到我地咁上下年紀，收到小朋友寄黎既卡就最開心啦，呢一張係我係blog度認識既瑩瑩小朋友寄黎既：
呢幅相好自然，越睇越開心！
冇諗過公司d青衣小朋友會送禮物俾我，好感動呀！睇住大家一年一年咁長大，一個二個順順利利係High Court扑頭殼，我都好為你地既屋企人開心架．記住好好珍惜你地既學習期，第日做個有為既律師呀！
呢盒聖誕曲奇就係２５號果日同ｄ青少年一齊dap晒啦，佢地仲夾手夾腳食埋罐腰果爆谷添，大家不知幾捧場呀！
真開心，又收到罪惡曲奇．唔敢開住，唔想咁快要去告解．
今年既熊仔罐設計非常精美，我識做架啦，食完一定拎返公司俾喜歡儲靚靚罐既同事既．
沒有留言:
張貼留言