七一又探牛B

一早起身，就去咗市中心，先去KFC食個早餐先。

咦？做咩有四杯奶茶既？大食積吖麻，兩件鬆餅、一件雞卷、一個雞扒漢堡、一份雞扒炒蛋、薯餅加蕃茄通。

食完野，駛開兩父女去圖書館，自己輕輕鬆鬆行超市。

哈哈！竟然俾我買到唔重芝士味既白汁磚呀，真係好啦。

順手執樽有機醬油。

行過商場，見到有懷舊檔仔係度擺檔，行埋去大澳產品果檔度睇睇，買咗呢樽無添加既大地魚粉。阿姐問我有冇食開喎，其實我屋企有樽係度，長洲出品。點解又買？我成日都想買樽俾我個日本朋友，但礙於長洲果隻唔係密封既，會好大陣味，所以冇買。家陣呢樽，我聞過下，外面冇乜味既，咁就啱晒我寄去日本啦。

去圖書館同佢地會合，順便睇下書。

返到屋企平台，叫爸爸返去先，我地去A-Maths叔叔度借背囊。但爸爸話佢又想探下牛B喎，咁好啦，一齊上去啦。

喂！呀生，你咁款算唔算走光呀？

係咪話你一句都咁款先？

牛B又大咗少少啦！