西瓜味

一向都幾喜歡買呢隻糖食，因為裏面仲有橡皮糖粒粒，都幾得意。都有一、兩款冇橡皮糖係裏面架，要睇清楚。

真係咩味都試過啦（除咗可樂味，因為我唔飲得可樂既(皮膚問題)，連帶可樂煮既餸(e.g.可樂雞翼)同食物我都唔會掂）。

近日市面出咗西瓜味，點都要買黎試下。其實西瓜味既糖一向都幾呃鬼，簡直食過咁多唔同品牌，隻隻都係唔得既。但係因為呢個牌子我食開，都捧下場啦。

裏面都係有橡皮糖粒粒既，圖示都係話內藏西瓜gum，食落都係唔多覺西瓜味咯！

如果你只係要食一筒幾好味既軟糖，呢個牌子係可以接受既。