呢個手袋, 望落去唔大, 但係好大食架, 連我所有雜物: 縮骨遮, 不織布環保袋, 銀包, 鎖匙, 兩枝潤唇膏, 兩包紙巾, 香口膠, 電話, 萬能卡片式小刀加剪刀工具, 加埋d林林審審既雜物同一大本書(我書不離手, 所以成日都有本書既, 連金庸新修版武俠小說都裝到), 甚至加多個大橙都冇問題!
佢仲連兩套皮帶, 有長有短, 可以揹, 又可以手挽, 好方便.
可惜, 皮帶既邊位用得耐會甩甩離, 披口, 有礙觀瞻, 見唔見到有條白色毛線咁既野突出黎呀? 但袋身又好地地, 連袋入面都仲好新淨.
我咁長情, 梗係晨咁早, 已經買定一個同色同款既做士啤啦!你地睇, 新同舊都冇乜分別, 我仲係用緊舊果個, 除咗條帶肉酸d之外, 真係冇乜理由嫌疑棄佢既.
沒有留言:
張貼留言