係七仔買咗d果汁軟糖, $6/包, 入面係半厘米大少少既長方形顆粒, 小小煙靭, 藍莓味真係幾正!
我仲有買到橙味架, 都ok.
d同事就話橙好味D.
其實香港已經有得賣好耐, 我一路都唔買之麻, 行交易廣場既惠康, 一早就見到有屋仔形既賣, 拎起手, 又放低.
點解?
因為我嫌棄佢呀, 寫住Product of China喎!
都係美國公司係大陸設廠生產既, 咁好啦, 就買黎試下啦! 我用個zip袋仔每樣裝幾粒俾Bibi.
Bibi琴晚十點幾返黎, 食完粥, 我話: 電腦前面包糖係俾你既.
Bibi: "包"糖喎, 仲以為幾大添! 你唔好話係"袋"!
我: 咩唔得呀! 呢個唔係袋呀?
Bibi: 咁我依家可唔可以食一粒呀?
我: 頭先食完粥又話好飽既? 好啦, 食一粒啦.
其實都幾搞笑, 都大個啦, 習慣咗問過先食零食. (當我係度就會問囉, 如果我唔係度就作反架啦.) 不過, 如果就黎食飯, 就唔可以食零食架啦, 會影響胃口. 呢個都係好習慣黎.
沒有留言:
張貼留言