生薑粉

網友Mandy話：生薑粉加蜂蜜可以除斑喎！

http://hk.myblog.yahoo.com/ip_mandy/article?mid=1126

唔知得唔得既呢？我地ｄ咁既年紀，真係開始有呢ｄ問題啦喎．問過下其他朋友既經驗，亦都有人試過下．有伯母用生薑粉加蜂皇漿，真係將面上多年既斑除去．

據聞蜂皇漿有激素，我就覺得唔多適合服用，蜂蜜反而可以接受．最主要係味道難唔難頂既唧！

嗄？仲要每日飲一杯呀？要我維持到呢個習慣都幾難架喎，最主要我就唔多貪靚既．剛好果次同Mabel去街，附近有生薑粉賣，$98一樽，都唔貴既，即使除唔到斑，都可以幫助血液循環吖．而且我上次見到日本朋友面上真係有斑呀，即管買樽黎試下先．如果我得，就可以寄俾佢試下啦．

屋企ｄ蜜糖俾爸爸嗒晒，咁我就卟咗一少角紅棗片糖頂當．發現味道都唔算難頂，飲得落，亦冇反胃情況．

咁好啦，呢個星期開始試驗啦．