一月二號，開工大吉！
有同事擾攘，話開唔到機，上唔到網。但我一早返到去，如常收發文件。老闆既鐘點阿靚又打黎報喜，話佢個女琴日又生咗個元旦B仔，可喜可賀呀！
轉頭，我又收到份包裹，咦？扁扁地既，又重重地，咩黎既呢，唔通係書？唔係藏獒第一集吖麻？我啱啱買咗啦喎．
「吖…………~~~~~~~~~~」
同事聽到，即刻企起身，睇下我部機係咪又出事。
我拆開咗份野啦，原來係呢個呀！我見到角落條絲帶已經識笑啦！
實在太開心啦！(咁樣係咪好破壞形象呢? 係咪講到自己太為食呢?)
我係唔會理係咪一早，又係咪剛剛食完早餐既，一於整條先，唔好多講．
脆卜卜，真好味！係比較甜，因為佢係牛奶朱古力麻，但我今朝飲Latte冇落糖喎，當打和！
好多謝你地兩位啊！
同Bibi msn，話俾佢知我收咗盒咁野，佢即刻問：咁你諗住留返幾多條俾我地先？
沒有留言:
張貼留言