我地屋企樓下商場既桃花, 年年都開得好靚, 可能個買手叻啦, 夾啱時候, 無論果年係暖定凍, 佢地都揀到棵靚靚仔仔既桃花, 擺係度大家睇既. 過年見到棵花開得咁靚, 都幾醒神架! 尤其係我行過維園花市, 見到人地果d花咁殘, 就更加覺得我地呢棵花靚啦.
多角度睇, 都係咁燦爛既, 而且花蕾都仲有好多, 起碼正日果幾日都仲會有d睇頭.
呢棵就放係平台既電梯大堂, 大棵好多, 但花朵就比較細, 舊年果棵呢, 就更靚, 開到十五都仲係好靚, 算難得架.
又睇下我地買既cheap cheap雞桃枝先
算係咁啦, d花又大又靚
我地冇奢望佢可以擺好耐, 擺到幾日, 都夠啦!
初一睇住佢咁靚, 覺得好超值呀!
我本來都想買比小荷，佢又死都唔要
回覆刪除[版主回覆02/16/2010 12:05:00]傻啦, 買黎做咩吖, 盞阻住佢.
妳棵都好醒神!
回覆刪除[版主回覆02/16/2010 13:03:00]d花夠大朵呀.
妳嗰棵雖然細細棵, 但都開得好靚喎!!
回覆刪除[版主回覆02/16/2010 13:03:00]係呀卅皮, ok架.
有一年(未錉時), 有人叫我去樓下既桃花下走一個圈, 之後, 我就揾到我老公la, 即依種花真係好靈架, 祝你們一家花開富貴, 身體健康, 心想事成!!!!!!!
回覆刪除[版主回覆02/16/2010 20:48:00]我地果晚就係係維園見到有個呀叔, 係咁係人地既桃花檔度, 逐棵花兜園呀!
細細棵好靚呀 !!!
回覆刪除[版主回覆02/16/2010 20:49:00]係呀, 細細棵, 夠花都靚架.
我都試過買桃枝返屋企插,幾靚架!
回覆刪除[版主回覆02/17/2010 08:45:00]係呀, 睇住佢都幾開心, 好過平日插既花呀.
你支桃花好靚呀.... 乜桃花唔係可以插好耐㗎！
回覆刪除[版主回覆02/17/2010 08:44:00]只係今年過年前天氣暖咗一輪, d花早咗開, 搞到年宵時同埋商場既花都冇咁靚咯.
祝事事如意！身體健康！財源廣進！
回覆刪除[版主回覆02/17/2010 08:43:00]吉星拱照, 利是齊來!