日日有食神！今日阿靚（我老闆屋企既鐘點）晨咁早就拎ｄ愛心蘿蔔糕黎公司俾我，正呀！除咗爸爸有一底專用品外，我地果底ｄ臘味就係阿靚親手曬製既，所以零舍唔同架．
Bibi問咗我好幾次：到底幾時有阿靚蘿蔔糕食唧？
每年都要等到接近新年先有得佢食，好野就梗係要期待先矜貴架麻．
好啦，今次有得食啦，幾大聽朝早餐都要煎返幾件先得！
下午約咗珍妮仔食飯，好榮幸，獲配給一底據講摯愛親朋先有既棗泥糕．雖然市面有得賣，但有此出品既地方確係比較少．因為功夫多，ｄ人都唔多願做．
唔知好唔好味既呢？都係留返過年先食啦！
都係我地公司既嬸嬸眼利，佢望一眼就知底糕係自製既．因為用黎測試底糕熟未既窿窿泄漏咗風聲呀！
沒有留言:
張貼留言