我諗做埋呢批卡，加埋冇一百三十張，都有一百二十張掛，睇怕我都應該可以放監啦！
呢隻雞夠傻，但佢居然識飛，確係唔同噃！
既然有祝賀姊妹結婚既卡，咁做兄弟既，都要有返張掛？
呢張花花卡，熟口熟面哩，係呀，循環再做架！媽打，你ｄ併貼花呀！條絲帶係Mimi上次送卡俾我既包裝黎，襯到絕呀！下面果張賀人生BB既，男仔女仔都啱用架．肥妹阿媽，認唔認得你俾我既彩虹手工紙呀？
Bibi問：呢兩隻公雞係咪係度討論緊自己隻蛋喎？照計紅雞蛋係孵唔出雞仔架喎，佢地係咪傻架？
拿！呢張咪生女既卡卡咯！仲有埋立體花花添．
感謝媽媽既卡，邊個話母親節先送得架？左面果張已售．
咁我都好公平既，老豆都抵錫架麻，唔預佢一份點得呢？卡入面都係寫咗"謝謝你為我遮風擋雨"．
呢張沿途有祢係用特別效果做既，裏面再印有"不再孤單"．
又一張復活節卡．雖然我唔係教徒，但"分享是一份愛的禮物"係我一路都有奉行既．
用布版做襯底，又得喎，只係粘上去果下麻煩ｄ唧．肥媽去去下街，都要打手機，你估佢係度打俾邊個吖拿？
呢只老鼠仔諗住拎住把遮就可以飛呀？咁大膽，想唔祝佢好運都唔得啦．
仲有一ｄ，個漏氣王有交返俾我，由得佢搞埋ｄ手尾啦．
我坐咗咁耐監，總算係呢個星期教埋人地裁卡既小竅門，就正式出冊啦．
我自由啦！！！！！正式收爐等過年！
沒有留言:
張貼留言