呢輪人人都捧世界盃，會去到現場睇波既，都算係fan屎啦掛？
剛啱收到電郵，話今年日本隊贏晒喎．．．
點解？去片．．．．
近日韓風甚勁，先黎韓國啦啦隊代表：
熱一熱身之後，就到德國隊出場
巴西隊都唔弱喎！
再睇埋其他國家有咩招數．．．
大犧牲，連塊面都畫到鬼五馬六
天氣都好涼下架喎，仲著得咁單薄，唔通ｄ外藉美女皮下脂肪特厚？
好啦．．．．．
睇返日本隊啦．．．．
登，登，登，dun！
超人家族總動員．．．
仲唔殺晒！
2010年6月30日 星期三
2010年6月29日 星期二
印仔１０７ - 川島美奈
美奈是我的日籍舊同事，自從她離開公司後，我們一直保持聯繫，後來我結婚，產下了Bibi，她還愛屋及污的痛錫Bibi，每年也送她聖誕禮物．當中還有令我一見鍾情的森林家族呢！
雖然她早已回國，但偶爾也會來港，有時是參加朋友的盛宴，有時是為友人打點香港行程．每一次抽到空，她定必帶備手信，到公司與我會面．
今回，希望帶給她一個驚喜，為她度身訂做名字章．
這本是個楷書印，以我的性格，會略嫌正經，所以我加了點點自己的筆跡．
想不到自己做得來啊！
另外，又再做一個陰刻印章．
有點點書道味兒，是日本人比較容易接受的
不知她會較為喜歡那一個呢？
我想先為她寄第一個，然後到聖誕再寄第二個，好讓她多開心一回．
現在有一疑問，到底日本人在賀年狀或書面上蓋印章是用甚麼顏色的呢？我印象中是紅色，請還在學習日文的朋友幫幫忙，代我問問老師吧！謝謝！
2010年6月28日 星期一
27/6的煮飯仔blog聚
今回可算是一個真正的煮食blog聚, 雖然人少少, 得四個網友一齊玩煮飯仔, 但我地效率/進度都十分理想.
主人家老早就預備好材料, 為我地做簡單而精美的午餐, 有蝦球韭黃炒河
2010年6月27日 星期日
印仔１０６ － 慧質蘭心
呢幾隻字係咪寫得幾靚呢？我係圖書館搵返黎架．
我係五一勞動節果日，蒲咗半日圖書館先寫咗幾粒印仔咋，呢個係其中一粒．好冇陰功，因為ｄ考生坐晒資料圖書館ｄ位，我都係坐係地下度寫架咋．
雕完出黎，個樣都幾靚，初初仲以為咁多筆畫會難整添，原來唔覺唔覺就會整好架啦．
出黎既效果都唔差，只要執漏少少唧．呢幾個字，雖然同我本人風馬牛不相及，但總會遇到一個有緣人既．
又俾大家睇下"股票"版，係咪幾靚呢？
睇完呢個印仔，希望大家學識個篆字既心係咩款架啦！
2010年6月26日 星期六
我和朱古力有個約會 IV
呢款Ritter Sport既黑朱古力都唔錯架，有原粒榛子．係呀，我鍾意多果仁架！
我通常唔會揀夏威夷果仁，是關夏威夷果仁都幾易變壞，或者我既味覺特別發達啦，真係食得出，咁就冇癮啦．好既果仁係應該食到佢本身既甜味既，所以無論核桃，杏仁，榛子，鮑魚花生，腰果，碧根果仁等，我都鍾意揀返原味既，唔會俾調味品影響我對佢既評價麻．原味連殼未經焗製既雜果仁，通常近聖誕係大間既超市可以買到．
呢款橙味ｍ＆ｍ出咗ｎ咁耐架啦，但一路都冇意欲買喎．有朝入咗屈人寺，見佢只係五蚊包，是但啦，整包啦．
裏面全部都係橙色同白色既，嗒入口，勁似積及朱古力橙餅既味呀！就當童年回憶啦.
呢款香蕉仔朱古力，出咗好多年，我由佢既第一代食到依家．老實講，咁耐以來都冇乜分別．佢賣既只係卓頭，估到少年人既心理，貪新鮮，成日改一改佢既版本．
初初就係加咗隻深色ｄ既香蕉仔，等大家倒出黎食果陣可以順便占卜云云．後來又出埋未熟既香蕉（青色既），今次呢一版就出藍色，叫Tropical熱帶香蕉喎．．．
我由佢五六蚊食到依家九個幾，其實佢既味道都唔差既．因為Bibi屬猴，所以佢對香蕉有特別好感．朋友同我一齊逛零食店，問買咩俾佢食好．我就要咗呢樣，老實講，果次去零食鋪，我都搵唔到咩特別野，唯一值得買既只係果款四方柱體既特濃牛奶糖，佢出咗黑芝麻加鹽味，稍為特別啦，值得試．
朋友買咗俾Bibi，點知佢只係食剩一粒俾我，真係橋呀，竟然係特別版，藍色呀！佢唔係專登留返藍色俾我既，只係冇節制咁食到得返一粒先記得我未有份食，叫做懸崖勒馬架啦．．．．
算啦，反正我都冇乜quota啦，食一粒當做食過就了啦．
2010年6月25日 星期五
印仔１０５ － 宇宙大王
想雕佢好耐架啦，但唔知點解，硬係冇件事．
或者．．．．自己仲未有信心做得到啦．
全線條既宇宙大王，真係刻都幾粒鐘，每一刀都好小心，驚衰，又驚救唔返．一做，就好幾小時，若要真的計算它的身價，真會令人咋舌．
咦咦，大細超既？乜我畫到佢咁呀．．．唔怪得知佢要滴汗啦．
盒木顏ｄ色唔齊，好難配合到佢既原色，咁唯有紫色再加藍色去油啦．
想就咁算架啦
臨上床，都係用水油返勻循佢啦．
咁油咗，又真係型ｄ既．
係IQ博士入面，除咗督kee之外，我就比較鍾意佢．
宇宙大王，我都知你流落地星係好慘架啦，我都好同情你架．
2010年6月24日 星期四
我們比較少嚐的水果 - 蘆菇
蘆菇，一種印尼水果，雖然香港有售很多年，但由於賣相不吸引，我從來都不沾指．
早年有新聞報導，說有蠍子藏在蘆菇堆內，有位女士不小心帶了回家，還被蠍子螫傷，所以更沒興趣打它的主意．
今回，是嬸嬸請找吃的，她送了我四粒．
我連怎樣吃也不懂呢！經她示範，我終於打開了這個謎團．
據指示，我們應如剝龍眼一樣，以指力推壓蘆菇，使之爆開一條縫，然後就可以順利剝開它．
果肉是可以一瓣，一瓣剝開來的
味道有一點清甜
中間可能會有一棵核，我帶了兩粒回家，讓Bibi見識見識，怎知她連核也吞下．
同場加映：這隻甜品叉，是我當年的結婚禮物，亦是我一向在公司吃私伙飯盒的餐具．大家常懷疑這麼小的叉子怎麼吃飯？但我從來沒覺得操作上有任何問題．
2010年6月23日 星期三
印仔１０４ － 風花雪月
這款字體為行楷，大家比較多見．
有一點點書法的味道．
每次第一印，都會有顏色不均的情況，像是快要裂開的樣子, 更為印章添上點點滄桑味兒．
或許是橡皮未沾夠墨吧
雖然我寫的字見不得人, 但這種筆法是我慣見的, 一勾一捌我都熟悉, 所以雕起來就更得心應手, 不用花腦力再為自己解讀一番．
2010年6月22日 星期二
剪報
我成日儲埋d剪報，諗住去到冇書睇既時候就拎黎頂住．除咗中文報紙ｄ雜文外，我都會剪下ｄ英文報紙既．順便搵下有咩啱Bibi睇既current issues，又望下有咩自己啱睇既剪低佢．
除咗新聞外，我最喜歡留返Post Magazine既Long-distance Call同Season．前者係講各國華人係異地謀生及如何適應環境，後者就係我既興趣之一，講時鮮食材既．
係呢ｄ食物資料裏面，我都學唔少生字同常識架．但係，睇還睇，咪信晒作者寫既野，好多時佢地都係知少少，扮代表既．
尤其係我話齋果ｄ呃鬼佬野，好似呢篇講蘿蔔既，就順帶提埋蘿蔔糕既製法，當正自己係專家咁，初初都有文有路架，睇睇下，見到佢居然話蘿蔔糕係放叉燒架喎，爭ｄ笑死我．
有時作者本身未必對烹飪有研究，做咗資料搜集後，或者會估估下咁寫出黎都未定．
學語文係應該揀自己鍾意既東西去睇既，呢ｄ冇咁正經八百既雜文就啱我架啦，短短地，睇過就了，唔駛點用腦去剖析問題．就係因為自己程度差，所以我都睇唔少細路仔英文書架，貪佢地易睇咯(其實兒童書不知幾好睇, 有d冷門d既童話故事簡連我都未聽過呀, 我大大話話都睇過數以千計既兒童刊物架)，而且又可以知小朋友諗緊乜，將頻道調返去佢地既年齡層，方便溝通吖麻．
訂閱：
文章 (Atom)