雖然大部分時間都係爸爸負責煮飯，但有時爸爸食既餸菜係我煮既．
今次我為佢預備既係秋葵炒蛋，係一個既簡單又快捷既素菜．材料好簡單，秋葵五條切片，蛋兩隻．
呢碟餸六蚊就煮到架啦！小菜黎，唔駛咁大碟架，一兩個人食就啱啦，可以煮多幾味．
先以少少油及鹽，炒炒ｄ秋葵，然後加埋用鹽打勻咗既蛋汁，略炒，煎到兩面黃黃地就上碟．
就係咁啦，秋葵一定要煮熟先得架，成碟野切埋煮埋都唔會超過五分鐘，係咪快呢？
記住呀，秋葵切起黎會有黏液，要煎到ｄ蛋略乾身先唔覺架．如果炒嫩蛋，效果反而冇咁好．
另一味係梅菜心煮茄子，呢味就要煮耐少少，所以係會煮咗佢先整炒蛋既．
材料：茄子切片，梅菜心切碎，少許薑（拍扁）；呢度只係一條細茄子，加埋梅菜心，三蚊就煮到
用油起鑊，爆薑及梅菜心，放茄子，兜勻後加水，煮至茄子腍身水份收乾，加鹽調味，打少少獻
獻不能太稠，煮到汁液緊夠包住茄子即可．製作需時約十分鐘．
可能有人會嫌清淡，食得素既，多數都係想身體健康，所以應該唔會介意既．
咁我地食乜？你唔見有梅菜心咩？梗係我整梅菜肉餅時切出黎既物資啦！呢餐餸廿零蚊已經包埋碟肉餅啦，夠我地一家三口食架啦！
由於太多朋友話未見過秋葵既真身，依家就俾你地睇下啦：
沒有留言:
張貼留言