又有Blog聚，六四果日約咗媽打，MTV同甘夫人，今次咁啱四隻腳，唔駛三缺一．
我就唔好打牌既，但都出咗三隻牌俾佢地上．
第一隻牌係俾媽打既：
睇唔睇得出係咩字呀？第一個字係馮字，原來呢款篆字冇馮字架！竟然連馬都冇喎！咁我唯有老作啦！
放到咁大，實睇到啦，呢d都係篆字既字形黎，都唔知點解會有咁多款既？馮字左邊既冰部，我真係參考個冰字既，有根有據架，但馬字就係亂畫既．
我覺得佢地方方正正咁，用黎做方印，就最啱啦．
包裝好咯！媽打，我唔可以分咁多玩具俾你咯，仲有好多人未有架，你就問小姐借個印台黎用啦！
呢個係MTV既，哎吔，竟然同我同名！我就冇咁好氣整俾自己啦，我既招牌唔係咁架麻，我已經有註冊商標，唔駛要印仔啦．
大家估唔估到咩字呀？照計都幾易估既．
但係，估中冇獎既！
甘夫人呢，佢係花藝大師，我就唔敢班門弄斧做花啦，斷估佢都唔會咁得閒，走去雕個印仔俾自己既，所以我就做一個俾佢啦．
初初試印，未知最後會用咩色印台，所以就用黃色．
後尾我都係覺得送綠色俾佢會適合ｄ．賣花姑娘插竹葉吖麻！
老實講吖，個楊字都係砌出黎架！唔覺哦可？
果晚，我食咗呢個雞扒煎石斑餐：
尤以甘夫人呢客葡汁焗石斑最有驚喜，我嚐了一口，熱度十足，汁不稠漏，味道很好．
一於睇下所有食物啦:
這是媽打送我的併貼手作禮物：
甘夫人送大家的禮物，我收到的是最左的一份．
MTV送我的是超級能量糖
特別的包裝，入面既係一小包一小包的薄荷糖．
MTV的囡囡小芷蕎，已經七個月大啦，坐在我身旁，定定的，對我的手相當有興趣，常捉著我的手來把玩一番，長大後想做掌相家麼？
沒有留言:
張貼留言