今回可算是一個真正的煮食blog聚, 雖然人少少, 得四個網友一齊玩煮飯仔, 但我地效率/進度都十分理想.
主人家老早就預備好材料, 為我地做簡單而精美的午餐, 有蝦球韭黃炒河
生菜手絲雞粥
鴛鴦蝦拉布腸粉
因為餡料已足味, 不用點豉油來吃
其中一位網友帶來的斑蘭蘋果蛋卷
吃過午餐, 就要準備水皮,油皮, 做胡椒餅及蘿蔔絲酥餅, 這是剛包好的胡椒餅
加點芝麻在餅面
最大的一隻是我特製的, 因為是最後一塊餅皮, 又有很多餡剩底, 盡地一鋪, 搏到盡呀!
新鮮出爐的胡椒餅
這個皮很適口, 十分好吃; 到第二次出爐時, 我把最大的一個吃了. 大家想制止已經太遲, 只道: 你一會兒一定後悔!
蘿蔔絲酥餅要搓另一款皮, 為了色別, 特意加了點點金華火腿在頂上
乖乖不得了, 這款皮更鬆, 更可口, 配襯入面的蘿蔔絲及金華火腿粒粒, 滋味無窮
相比之下, 街上吃到的蘿蔔絲酥餅實在太差勁了!
經剛才吃多一個胡椒餅事件, 既然大家說得那麼嚴重, 我只好忍一忍, 不再添吃另一個酥餅
又是英式鬆餅的時刻, 因為做到最後剩了一丁點麵糰, 所以我做了一個小心心
安排了在晚餐時間入爐, 出爐時大家正忙著吃其他食物, 只好冷待這些內外兼備的原味鬆餅了
是日晚餐: 六道菜
粟米忌廉雞肉湯
加了啡蘑菰, 正!
估唔到呢個沙律咁正, 材料有蕃薯, 青瓜仔, 真蟹柳, 蟹籽, 藍莓, 蘋果, 粟米; 真係好食到唔停得口
別以為這些排骨份量很少, 只是碟子大了點而已
肉丸是牛肉做的,不關我的事
但我可以吃這一碟蘑菰炒意粉
蒜蓉西蘭花
可以開餐咯!
飯後甜品, 意大利奶凍, 下足了云呢拿去煮的, 黑色的小點便是云呢拿籽了.
人丁單薄, 當然要又食又拎才可以解決所有食物啦!
最後, 我打包了一盒意粉, 三個胡椒餅, 三個蘿蔔絲酥餅, 三個英式鬆餅, 一片蛋卷, 一盒腸粉(當然有給爸爸做齋腸啦), 同埋一樣大家實估唔到既東東.....
就係話梅一粒啦! 係主人家極力推介的, 據聞來自濠江的名物. 我在回程的車上跟爸爸分享, 果然不同凡響呀!爸爸一吃上癮, 原來是手信街的晃記出品，實在太正啦！
沒有留言:
張貼留言