其實呢味餸，真係可以加上秘製呢個字架．
點解？唔係當大家Lulu架，ｄ咁簡單野，點先可以話佢秘製呢？
步驟其實好易既，先將雞翼出水．
撈起，過清水備用．
係鑊度放少少油，有蔥段薑片加埋就梗係好啦，冇？都一樣煮到既．就咁放返ｄ雞翼入去，煎下．最好令ｄ皮黃黃地．
（嗄？你宿舍得個煲咋？都唔緊要，就咁放入煲度，咁油都慳返啦，就咁加ｄ水去煮啦．）
鎮廚之寶，草菰老抽，我由細食到大．
加ｄ老抽入雞翼度
兜勻
加水，秘密武器係咩呢？
其實，我加咗浸桔仔果ｄ好咸既桔鹽水呀！
唔好話我唔提你地呀，咪放咁多呀，夠味就得啦，再加少少黃糖，細火煮，滾起蓋好，收火，焗兩個字．
開返火，再滾起就食得啦．
我地唔鍾意食雞翼老晒既，所以就係咁煮既．
沒有留言:
張貼留言