知唔知呢幅相同今日既主題有咩關係吖？
多謝爸爸報料啦！
呢部係流動式起重機黎，好似坦克車咁，以履帶推動前進．
咁有咩特別？睇下車轆中間！
睇唔到咩？
好，再放大ｄ，見啦掛？
其實我主要係叫大家睇兩個角落頭既凹陷位．
見啦麻？嗄？仲未？咁呢幅清楚啦掛．
再zoom近ｄ，仲唔一目了然．
真係估唔到呀，呢個蜂窩已經係度好耐架啦．
佢地絕對唔係過客黎，我點知？
呢架係建造業議會既訓練車黎，據導師講，呢個蜂窩都係度好耐架啦．
因為架車成日俾人開黎開去，佢地出咗蜂窩，返轉頭又要四圍搵先入得返去．
係咪算幾精彩呢？
爸爸靜雞雞走埋去影既，先有咁既實況報導架咋．
爸爸一早就話要去花展，我就冇乜興趣啦，去咗幾年，又咪咁上下．
況且我都係醉翁之意不在花既，我次次都係去買有機菜之麻．
一諗起要陪爸爸行晒果幾列盆景，真係要借ｄ意唔入場至得啦！
上面幅相呢，最右面果隻蜜蜂對腳度，粘咗好多花粉喎！
你估爸爸真係咁曉賞花咩！
佢只係咗想買ｄ開咗花既盆栽返黎，睇下ｄ蜜蜂啱唔啱食之麻．
無啦啦問我屋企有冇蜜糖喎！你估佢真係要沖野飲呀？十成九想拎去玩啦．
其實佢地毛絨絨咁，都幾可愛既．
只要佢唔好得閒黎錫你一啖就得啦．
城市已經冇乜樹林啦，搞到呢隻咁潮既蜂后黎到呢度落腳，將就一下，將佢既王國建立於此．
沒有留言:
張貼留言