呢個印，雕好咗大半年架啦．今日算係我結婚週年紀念，即係我正式出嫁既日子（事關我係13/2註冊既），就拎佢出黎，當係俾新娘子既一份祝福啦．
雕文字章，在我黎講，一向都冇乜壓力既，但今次人地係要黎辦喜事既，就要認真少少，每一刀都要小心ｄ．
唔知點解呢款字體個梁字會少一點既，但如果監硬加一點上去，咁個聯字隻耳仔咪又要監硬連埋佢？都係咪啦．
順便試下呢款十蚊店新版橡皮先，同舊版既冇乜大分別，一樣咁好用，但就細塊咗好多，細咗一半咁滯，即係變相加價百分百．
一路睇全美一叮，一路雕．
跟住起埋個底，抹乾淨塊面，加ｄ墨試下印先．
第一稿，唔～～修下ｄ橫畫，會清秀ｄ．
蓋係信封背後就係咁款既．
既然物主打算用紅色咯，咁我就改用紅色試下啦．
印果陣力度用得唔平均，頂頂條邊幼咗少少添．
小插曲就係，寄出咗一星期，物主竟然話我知未收到喎！唔係啦掛？點都唔會重做架啦，至多做過另一款既唧，想悶親我咩！
好彩，跟手佢話郵差叔叔駕到，安全上壘．
沒有留言:
張貼留言