印仔１５２ － 小鳥

做大一點的印仔係大工程黎，所以我係揀選圖案既時候，係會比較挑剔既．

某日，係圖書館搵咗大半日，只係選到三幅．其中一幅兔仔印，已經做咗．另一款圖案呢，因為我要將佢略為改動，所人遲遲未動手．

而呢幅呢，又要等有心情先做，所以都擺咗好耐．

點呀？係咪幾靚咁呢？一個全幼線既章，難度相當高架．

雕咗個幾鐘，先整咗咁多咋．而且我開始分心啦．．．都係放低，搵日有mood先繼續啦．

好啦，幼線全部雕好，又到最唔願做果一部份．．．清理現場

唉．．．．好醜怪，想話好似人地ｄ雜誌咁，執執ｄ相先俾你地睇架啦，但醜婦終需要見家翁架麻，都係俾返真面目你地睇算啦．

抹乾淨塊面先．

上墨，一剔過，乜都唔駛改！

估唔到自己獨具慧眼，物色到呢位佳麗同大家見面．

就用把筆刀做樹枝俾你跳下啦．

如果我可以好似白雪公主咁，俾你企係手指上就好啦．

影到我好縐皮添！仲好，咁隻雀仔咪更靚咯．

可惜我填色技術都係麻麻，油到人地鬼五馬六添！