合桃

仲記唔記得爸爸買既合桃呀？都成年有多咯．當時，有小朋友話想要個殼做手作喎，同爸爸講，佢又肯好小心咁剝殼，留返俾佢．

打開個合桃，裏面就係咁飽滿架啦，新鮮既合桃，裏面既肉係好多汁既，可以食到佢既淡淡鮮甜．

有朋友話晚上食咗我俾分佢既合桃，訓得香甜ｄ喎，都唔知係真唔係真既？心理作用咋掛？難道係想呃合桃食？

就係咁，爸爸卜咗好幾粒，我就一次過寄晒俾人．剩返落黎果ｄ未開既合桃呢．．．

咪俾咗話食咗好訓ｄ果位咯！