為你煲靚湯二- 試下D新淮山茨實先!

呢D係原粒既茨實，一般我地係街外買既，都係半球體黎，因為擔心佢唔腍，所以我唔理咁多，就浸過夜啦。第二朝起身，咦，自動爆開架喎。



無添加及沒經琉璜薰過既淮山片，果然沒有刺鼻既氣味，而且亦不像平日見慣那些平滑切割面的淮山片，看得見粗粗的纖維。這是嬸嬸到西環葯材街買回來的。

淮山、杞子、龍眼肉、蓮子、薏米、茨實、瑤柱、豬骨已備妥，煲個家常湯等Bibi返來飲。

煲好既茨實就似平日半球體的一樣，發脹後爆出花紋，而淮山亦如平常的一樣好吃呢!

清補涼湯係我兒時至愛，食湯飯，加D湯料就好夠滿足架啦。

有樣野唔知大家有冇試過，我細個果陣，裝咗清補涼湯係碗入面之後，加幾滴豉油，碗湯會吊出鮮味架，唔信你地下次試下啦。但千其咪一路煲一路加豉油喎，咁唔得架。

清埋最後一日大假

好多謝大家肯陪我，每一日假都有節目。

三月最後一個星期三，又係我放例假既時候啦！早上返去巡視業務，十一點半就閃，約咗另一位朋友，過一個悠閒既下午。

又去文化中心食晏仔，沙律算唔錯架啦。



我最喜歡燙熱既湯水，所以飲咗四碗湯！今日係紅青蘿蔔排骨湯同埋忌廉蘑菰湯。

主菜我要咗炸魚柳配蘋果沙律

今日既生果都幾多，有鮮果粒：木瓜、蜜瓜、菠蘿，又有西瓜同橙；糕點多咗Tiramisu，中式糖水我唔多好，但見到有芝麻糊，另一款係乜就唔清楚啦。

上次黎，有少少雨，又凍，所以冇去星光大道散步。今日陽光普照，又有少少風，幾舒服下。

曹達華既如來神掌：

跟住見到黃師父，可惜建設這條大道時佢已經仙遊，所以冇手印。

我好認真咁去搵石堅叔，終於都湊夠數啦！

我今次冇咁論盡啦!

冇錯，我見過鬼都未怕黑，再殺多次入馬鞍山！等緊巴士果陣見到做埋今年就要榮休既熱狗巴，梗係把握時間同佢影返張靚相啦。

餐桌上的幸福滋味

這本書，不單有食譜，還是一本散文集，入面有很多值得讓人再三思考的內容，適合送予新丁家長。

 

大少奶跟葛雋是誰，我可孤陋寡聞，有眼不識泰山。

這是其中一篇我喜歡的故事:

 

園丁怎樣對待植物，決定了植物的命運；家長怎樣對待孩子，決定了孩子的未來。噢! 後者可非絕對。

 

家長的步伐，未必跟得上時代的發展，所以當年我亦用了另一套方法去培育Bibi。

 

擁有一個快樂的孩子真的很重要，所以我都希望Bibi能夠健康快樂地成長。

 

看來我不自覺的成為葛雋的粉絲，我選取的多是他的篇幅呢!

 

這個三文治理論，可反映說話的智慧呢，大家都要多多學習啊!

 

若然這個傳聞是真的，美國的特使可真有兩度板斧呢!

 

精神跟心靈的擔子，又有幾多人可以放下呢?

 

傑弗遜與丹佛對生活原則的想法截然不同，對比強烈，頗為有趣。

我真係有進步架 - 珍惜

又再拎起呢兩個字黎刻：

Cara Cara

平日市面見慣的橙，多是中庄的3107或大庄的4012。最近超市又有這款新奇士橙：

來自美國的Cara Cara，粉紅標記，是紅肉橙的代表。

雖然橙身細細，但皮又鬆又易剝。

橙皮又不太厚

兩刀就可以把整隻橙皮分體

果肉橙紅色，有點像紅肉西柚。

多汁、清甜，近日超市首選。

價錢呢？亦相宜，$10.8四隻，平均只要$2.7，值得一試啊！

有與趣探索多點橙子上的標籤，可瀏覽下列網址：
http://www.sunkist.com/products/oranges.aspx#caracara

滿江紅

到圖書館閒逛，在英文部找到一本關於中國圖章的書。

初時沒有細閱文字，只被"莫等閒"三字的印章吸引著視線。再看看旁邊的圖章，厲害啊!

原來整篇滿江紅都刻了出來。

認真地欣賞，其實篆刻章似乎可以隨意而刻，不一定要依本子辦事。

不用端端正正 ..... 可合我意啊! 從未真正了解刻章所以然的我，可真箇得到少少啟發呢!

愛心早餐

Bibi一星期才回來一天，我當然記掛她。

這個週末連晚餐也未能在家中享用，做project做到深夜三時許，連返早更的爸爸也要起床了，她仍未就寢。翌日又要趕出九龍排舞，唯有預備豐富早餐以作支持。

一碗昨日煲好的老火湯、半隻甜橙、有機菜、烚蛋、煙肉、墨西哥火腿芝士卷。有碳水化合物、有蛋白質、有維他命C、有纖維、亦有垃圾食物，這客brunch可夠瞄頭，原打算多沖一杯麥糠好立克的，亦恐份量太多會吃撐她。最後作罷，預備一瓶清水給她帶走好了。

應該有足夠的活力應付排舞的消耗吧。

看到她在開動前，先用手機拍低這份早餐，那絕對是一份愛的肯定呢 !

遠行

14/3，又係放例假。今次要去到馬鞍山咁遠，拎住MANDY個地址，話係鑽石山地鐵出咗，坐85M巴士就去到咯喎。咁好啦，我睇過地圖，都應該摸到既，都係時候學下自立啦。

約咗十一點，出中環做少少野，九點半先出發都未遲。點知去到鑽石山都只係十點鬆D，早到太多都唔係咁好既，就上荷李活廣場行個圈啦。商鋪九成未開，靜蠅蠅既。見到311既祈福牆，可惜時間太早，未開放住。

爸爸返新工

爸爸新工上任，既然有親朋提出，要我俾封開工利是佢咯喎，咁就做返封特別版又點話吖？

撓起手，先拎張環保紙出黎先，呢份廣告就啱晒啦。

花卉展覽2012

爸爸剛好星期六放假，就齊齊去逛花展啦。

養德澤福

睇黑咪貼出黎果幅書法，好鍾意上面既字體，就去搵作者既其他作品黎欣賞下。

乖乖不得了，謝蘭生的作品實在太合我眼緣，可以講繼范曾之後，我比較仰慕既大師。

我相信黎緊既印仔，將會參考呢位大師既多啦。

為你煲靚湯

小家庭，其實買包超市既湯包，都好夠架啦。

韜韜美食大遊行

都幾多人唔係咁鍾意韜韜既，可能大家覺得佢太肥啦。但我就覺得佢都幾可愛吖，尤其係佢個心。佢寫咗咁多書，做過咁多節目，收益都暗暗拎咗黎做善事。

屯門書展

早前閱報，已知悉屯門區會有書展。但接著就忘掉了，所以星期六見到這場景，自然十分高興。

 

一心到超市買材料煲湯，自要先辦好這件事，回頭再看吧。

身上負重不輕，只空出一隻手，只好隨意到一英文書檔瀏覽。念起老闆的三個孫兒，即買了這幾本。

 

頭兩本是打算送給分別兩歲及三歲的兄弟的。

 

這一本就送給年紀大一點的長孫哥哥吧。我回家後翻揭一下，發現這一本真確是超值抵買的好書呢，星期日定要多逛一次書展，多買幾本送人。

 

可惜到第二天，上述的好書已售罄，唯有退而求其次，買點男女皆宜的寓言、童話故事吧。幼兒書，我主張買硬皮書，可以好好保存。

 

天氣太熱，沒法逗留太久，走馬看花的，又選了幾本特價書。傳記式的書，應該不太悶蛋吧?

 

喜歡看人家的童年回憶，所以亦選了這本

 

十元可以買到這本學習英語對話的書，而且包一隻光碟，聽一次再轉送其他人學習也不錯啊!

這一本，亦是在特價書箱內找到的，看不到標價。箱內其他書多數是貼有$30的貼紙，但這一本裏裏外外也看不到任何指示。難道是有人誤放在此? 正想找個工作人員查詢一下，一個男士正將一箱特價書放到桌上。我立即向他討教，誰知他悄悄地向我說，$20賣給我，收銀處只在我身後，速速奉上$20，袋袋平安。後來細看，這本書原價$268的呢! 低於一折呀! $20，買本雜誌也要吧?



到圖書館與爸爸會合，吃過午餐，就用唐餅券換了一點吃食。

這款蛋卷不錯呢!



尤其這個盛著蛋卷的底盆:
 

大家見到的是什麼呢? 一塊環保塑料?

我看到的，可是排裝朱古力/Monaka的模具呢!