出絕椒

種咗一輪椒，都係時候要採收，種過第樣啦！



之前摘咗幾隻出黎俾人玩，都剩返１２大粒，至大都係呢粒，早出世係勁ｄ既．

可能我地冇拖肥，所以越種越細，細到丁咁大就學人變色啦．

總括黎講，紅椒係最多既．

呢粒身裁最標準

燕瘦環肥，咩晒士都有

同一棵都竟然有隻長身既！

一不做，二不休，既然要起盆啦，就摘埋呢粒仔啦．

我懷疑根本就係冇青椒呢回事既，因為紅椒同黃椒未熟果陣都係青色既．

成熟既黃椒：

半熟既黃椒

呢粒黃椒最大架啦

黃椒得少少，所以切佢地先!



切開最大既紅椒先:

咪睇少呢堆野呀，洗乾淨，小心切開佢地，拎返D籽出黎，都玩咗成半粒鐘架。



我冇晒料架，至細果兩粒我都好小心咁清理架。

其中有D已經珠胎暗結啦，睇怕一放入泥就生到。

睇下呢粒幾肥:

至勁都係呢粒，係長果隻紅椒入面拎出黎既。

點解釀起好似咁多既? 我專登去街市買D迷你豆卜加埋入去架。

好啦，可以煎啦:

上碟咯！聽日就可以俾Ｄ同事食啦。



爸爸細細聲話：啍！等我今晚靜雞雞食晒佢，睇你聽日搵咩交差！