貴氣的口金

收到這塊特別的布版:

雙面的

我想大概這邊才是正面吧?

布身厚厚的，原來是兩塊布合併而成的，真夠複雜呢!



裁出一片口金的款式，再加棉樸。



唔試過都唔知，呢款布真係好厚，好不容易先縫到，因為跟本不能順利做回針部，要上上下下一針針咁拮先縫到。



我選咗金黃色的緞面布做內膽，一樣係難處理既布料。



我就大膽啦，用返黃色線去縫合。



咦，又唔多覺眼喎。



縫到呢度，一路都好擔心，好驚之後厚到入唔口金框。



為咗配合呢塊貴氣既布料，我選咗一個槍黑既口金框。



掙扎一大輪，又斷咗枝針，先叫做上好一邊框。



終於完成！

 

不過，今次入面上口金既線就縫得麻麻啦。

穿崩呀～～除咗斷針之外，仲斷咗幾次線添，搞到頭都大埋。

兩邊既底牌都俾大家睇晒啦：我自首。。。

但係啪埋就唔覺架啦！

俾個背影大家瞧瞧

正面

佢雖然唔完美，但我已經盡咗力，而且，當今世上應該唔會再有第二個架啦!