韜韜美食大遊行

都幾多人唔係咁鍾意韜韜既，可能大家覺得佢太肥啦。但我就覺得佢都幾可愛吖，尤其係佢個心。佢寫咗咁多書，做過咁多節目，收益都暗暗拎咗黎做善事。



呢本書呢，當然又係發揮佢既專長，帶大家四圍搵好野食啦。係內頁俾我發現咗佢後生時既肉照，睇怕大家都想像唔到，佢前都瘦過黎既。

呢幅豆豉相一定要貼出黎，事關呢篇係講爸爸既鄉下羅定既。佢話佢老豆以前成日講: 一粒豆豉分四餐，就係呢D豆豉啦。

原來榴槤樹係咁款既，我係新界，大樹菠蘿就見得多，榴槤樹我就第一次見唧。

唔睇都唔知肉骨茶既來源原來係咁既!

其實養殖鮑魚既資料我都睇過下既，但好似幾代咁俾晒咁多款尺碼大家睇，又幾得意，咪俾你地睇下咯。



我一向睇書呢，都唔係太重視睇完本書會覺到Ｄ咩咩咩咁既，最緊要睇得入眼，咪搞到悶親就得啦。就算少少難頂既，將將就就都會睇完佢既。如果連我都睇唔落既書，就真係好鬼悶架啦。

我呢D咁既年紀，睇書係要黎消閒既，睇完仲可以執返少少知識故然好啦，睇過即忘，水過鴨背都冇乜所謂啦。

好多時爸爸見我好似樣樣都識咁，就問: 你又知既? 點解你會知既?

我多數答:　呢Ｄ係常識黎。

其實我鬼記得我點解會知咩？都唔記得幾時、係邊度見過、讀過相關資訊，但就好似早早已經學過咁，好平常之麻。