為你煲靚湯

小家庭，其實買包超市既湯包，都好夠架啦。



Bibi鍾意蓮藕湯:




我貪心，想D湯甜D，就再加料，買返舊補腰既豬尾骨先。咁加埋煲湯都只係五十幾蚊唧，夠飲兩日架啦。

天氣潮濕麻，買多包粟米鬚添!

 

$8.9一包，有500克

兩下就將D粟米仔分體啦，嫰D既就煮黎食



老D既就連埋D鬚用黎煲湯

我好似平日咁放晒D材料去煲，煲咗半個鐘先放埋D粟米鬚同老D既粟米仔入去，原來煲完湯既老粟米仔都好好食架喎。

煲好湯，就夾起D粟米鬚掉咗啦。但我都試過拎黎食，其實都好爽口，不過我地餐飯，已經夠晒纖維啦，唔駛食咁多啦。

記住捌清D油先好喎，爸爸心急，要畢黎飲，有少少油花，在所難免架啦。

咩話? 呢個世界有種野叫隔油湯壺? 我夠知啦，但負責洗碗果個唔係我吖麻，想我俾人丙咩!