清埋最後一日大假

好多謝大家肯陪我，每一日假都有節目。

三月最後一個星期三，又係我放例假既時候啦！早上返去巡視業務，十一點半就閃，約咗另一位朋友，過一個悠閒既下午。

又去文化中心食晏仔，沙律算唔錯架啦。



我最喜歡燙熱既湯水，所以飲咗四碗湯！今日係紅青蘿蔔排骨湯同埋忌廉蘑菰湯。

主菜我要咗炸魚柳配蘋果沙律

今日既生果都幾多，有鮮果粒：木瓜、蜜瓜、菠蘿，又有西瓜同橙；糕點多咗Tiramisu，中式糖水我唔多好，但見到有芝麻糊，另一款係乜就唔清楚啦。

上次黎，有少少雨，又凍，所以冇去星光大道散步。今日陽光普照，又有少少風，幾舒服下。

曹達華既如來神掌：

跟住見到黃師父，可惜建設這條大道時佢已經仙遊，所以冇手印。

我好認真咁去搵石堅叔，終於都湊夠數啦！