放假做咩好?

星期三例假，一早先返公司做下野，清下檯，十一點半鬆人。大家自己執生啦，掉低呢句，我就走人啦。



諗住星期三，冇死架啦，去搭小輪去尖沙咀之前，咪可以順便係有機農墟買下菜咯。點知.... 現場既攤檔仲未開呀~!

黎到呢頭，又去文化中心外既餐廳食下半自助餐先。

兩個人，只叫一個主菜，我地要咗蔥油雞扒飯。飲埋忌廉蘑菰湯、粟米雪梨排骨湯、香草包、沙律巴各款菜蔬、水果、甜品糕點、糖水、熱飲都夠晒飽啦。(埋單只係百四蚊咋，認真抵食架!)

其他既食物，我..... 唔記得影.... 但臨尾都係咁意影少少甜品過大家睇下。檸檬味、紅豆味、咖啡味，都唔錯。其實已經好飽架啦，我飲咗三碗湯呀~~~

有blog友提我，星期三展覽場館免費入場，咁就去呢度散下步啦。跟住去埋文化中心混吉，再去崇光八下。因為肚飽，我一D野都冇買到。

多謝Eunice送我無價寶，我一睇呢一擔心機，就知自己冇可能有耐性整架啦。

兩傻遊完尖咀，就走咗去荃灣濕平。佢帶我去既商場，我去過荃灣咁多次，都未去過架。