呢個頭咁大既麥包，七個大洋咋! 熱辣辣，我D家姐見到我買舊咁野，仲以為我係傻既。你地有所不知啦，我屋企果頭係冇新鮮出爐既包賣架，一係你就行遠路去，一係就搭車去買。
呢度出名既，除咗包之外，仲有曲奇，一磅可以配四款味道。
我揀咗咖啡味，都又香又鬆化既，但冇其他幾款咁出色。
芝麻餅(呢款又係萬勿錯過既)，夠鬆化。
果占夾心，睇佢樣衰衰，仲以為唔好食既添，點知入面餡心係煙煙韌韌既，都唔錯架。
杏仁曲奇，中間夾咗好多杏仁既，正!
其實點鬼駛去買May姐出果D吖，食佢都唔錯啦。現場都見有一樽樽密實樽既禮品裝曲奇賣，邊個話香港冇手信架?
好懷念呢D味道！
回覆刪除下次返黎, 再食過.
刪除比著我都會買，哩d麵包店買小見小啦！
回覆刪除忍唔到手呀~~~
刪除杏仁曲奇好吸引~
回覆刪除下次去我會再買多d唔同款既, 但芝麻果款真係正! 其餘既水準都係中上, 值!
刪除May 姐? 係咪May姐有請嗰個呀? 原來佢有賣曲奇的?
回覆刪除係, 佢一出, 就有人買過俾我食, 都係麻麻架咋, 但就好貴咯.
刪除哩D麵包店越來越少，普通嘅款式都就嚟變懷舊味道~
回覆刪除係呀，咁晏去都仲係新鮮出爐果下叻吖嘛。點忍得唔買吖。
刪除YEAH～我每日早餐都幫襯佢呀～好正XD
回覆刪除你就好啦，咁近。
刪除個店名...食完就覺得大吉大利咁款~~~
回覆刪除好想試芝麻哥個~~
呢款值得買架，又輕秤。
刪除May姐賣名氣，未必O岩口味。
回覆刪除咁佢地都有用心做既, 只係佢有名價錢就會貴好多, 銷量唔算高就自然要賣貴D先為到皮. 而街坊店, 平一半有多, 但薄利多銷, 條數就唔同計法咯.
刪除杏仁曲奇我至鍾意~~~ ^0^
回覆刪除其實仲有好多款式可以選擇架.
刪除