鴛鴦小蛋糕

呢包野，的確可愛，好輕易令我忍唔到手。一睇到日文既cake字，基本上都知係咩一回事架啦。日本仔既包裝手法，真係唔到你唔服架。好彩身邊既小朋友都大晒咋，如果唔係呀 ..... 我真係大把藉口去掃貨架。

但見到佢有兩款味道，唔知點解又好想買喎。仲同自己講，廿幾蚊唧，有廿四件喎，一人一件都係請佢地食一蚊之嘛。

首先，我係睇到maple呢個字先既，楓糖喎! 又好似冇乜買過楓糖產品喎，咁要試下啦。

另一款係choco chips，呢款真係幾好味喎，我冇叮過佢黎食，唔知叮咗會唔會好味D呢?

 兩隻既包裝其實都係一樣既，只係顏色唔同唧。

開出黎個樣都幾四正既，可以講得上唔難食，又未至於好好食，亦唔算死甜既。施施文文咁咬一啖，再悠悠閒歎啖茶就V. Gd.啦!

因為我係食咗楓糖先既，所以覺得朱古力呢件更加好味。

爭D唔捨得請晒俾人食。

咁廿幾蚊值唔值得買呢? 我俾B-佢架咋，貴咗D，留返D彈藥買過第二D黎試好過。