木手柄

好多謝送我呢批物資既朋友, 除咗用黎做印章既型仔手柄外, 我仲分咗俾好多人.

圓形既木仔, 有兩圈凸紋, 有朋友將佢變身做中秋節兔仔燈籠既四個轆.

其實係上面加d野, 再裝上螺絲圈, 加上電話繩或珠珠鍊, 就可成為一個飾品.

大家亦可以在上面上色,就算不規則地亂畫,都可以成為一個獨特的作品, 送俾家人或義賣亦可.

我呢, 舊年就拎咗黎做我既迷你富貴竹既底座, 幾有和風feel!



大家有興趣，睇下佢係點誕生既，可以睇呢度:

蛇年：竹報平安，富貴吉祥（一）

蛇年：竹報平安，富貴吉祥（二）

蛇年：竹報平安，富貴吉祥（三）

蛇年竹報平安, 富貴吉祥 (四)

蛇年竹報平安, 富貴吉祥 (五)

蛇年竹報平安, 富貴吉祥 (六)

蛇年竹報平安, 富貴吉祥 (七)

這些木棋子, 就要你們動腦筋啦. 有人鑽入螺絲圈做鍊咀, 我亦諗過用來做rubber stamp既手柄, 早前俾咗d我大佬, 佢曾經係我心目中既手作萬能士, 唔知佢又會拎黎做d咩呢?

我地刻橡皮印章, 會產生好多碎料, 簡簡單單咁粘在手柄上用黎俾小朋友蓋章做圖畫, 都係一個幾好既提議.

幼稚園或長者都做得到, 用黎做賀卡, 如復活蛋既圖案亦可, 大家可以發揮無窮創意.

衷心祝福分享到呢d物資既朋友, 希望大家同人分享之餘, 自己亦享受到做手作既樂趣.