無味的板長

14/12/2013，又係兩母女拍拖既日子。我真係冇幾多餐同佢一齊食飯。

去碼頭，揀咗板長。加洲卷，蟹子唔駛咁孤寒掛？

魚生飯，超迷你，呢個小容量仲膽敢深度不及外觀既一半，就好似大家樂焗豬扒飯咁，碟內膽係淺淺既不鏽鋼兜咁，呢度都係淺到連隻小小鐵匙打側都高過佢。

蟹籽沙律，出奇地大份，但係冇乜味既，除咗蛋黃醬味，就乜味都冇。

最及格就係個蒸蛋，夠熱。

魚生嘛，都係冇乜味道既。

最特別就係呢塊電子餐牌唧

食完餐飯，Bibi話不如食爭鮮好過。人地咁平，味道唔可以太要求。搵間正式鋪頭黎食，就係想食有味既野，點知係乜味都欠奉，仲衰過去超市買盒壽司食，咁就冇下次啦。