教你做復活蛋應應節 (一) How to make Easter Eggs I

N年前教兒童班，其中一堂係做復活蛋。今年都想做返少少迷你復活蛋應下節，但用粘土去搓，又要等佢乾，要做到隻隻咁大，就要度尺寸，煩!

咁我唯有諗下計仔啦.......

不如用另一D物料去做啦!

今年俾我諗到條絕世好橋，就係連粘土都慳返，就咁用紅豆同錫箔紙黎包復活蛋。

你地咪以為就咁挪起D豆就包得呀

其實一包紅豆入面，燕瘦環肥，大大細細都有架。想靚就要精心挑選至得。

因為冇事先準備(即係由聖誕節開始儲)，所以雜色既錫箔紙唔多。呢幅係我以前做母親節朱古力時用既錫箔紙，我專程用Whatsapp呼籲大家幫我收集，可惜好似我咁垃圾婆既人唔多。

呢個係幼麻繩做既籃仔，我當年真係有做埋籃仔俾D學生架。

爸爸買既騎哩色線碌，終於都可以登場啦。

求其扯D出黎用，就可以俾個巢做暖墊。

睇下比例幾fit!

包左隻蛋之後幾靚! 要多謝大伯娘過年時買既鳥結糖，一張可以剪開16張黎用，唔係我就真係一定唔夠錫箔紙用。

為咗大家可以趕得切做復活蛋送人，我專登咁早就出甫士，等你地有足夠時間去預備。抵請我食返隻真既復活蛋啦掛?

Part II 下回再續。

教你做復活蛋應應節(二)