爸爸捐血第五十回

因為返工要輪更, 真係捐血都要擇日子, 爸爸等到自己放大假, 可以捐完係屋企抖幾日先去捐血既.

今次佢揀咗去元朗捐

我地去到大概十二點九左右, 爸爸已經係第48位啦. 點解十二點開始, 就有咁多人黎咗呢? 除咗因為係星期日大家得閒外, 可能都係因為大家都想係佢地三月年結之前捐咗佢, 如果一年內捐夠三次, 係會有紀念品送俾捐血者既.

填完水蛇春咁長既表格同問卷, 就督手指同等見姑娘啦.

等到見完姑娘, 我地就去咗有茶點果邊既檯度坐, 可以睇下電視.

一點半, 終於都到爸爸啦.

450cc既血, 唔駛半個鐘就捐完



我地未夠兩點就可以走人啦.

上次既紀念品係鎖匙扣, 今次爸爸雖然都捐夠三次, 就冇拎到紀念品, 事關佢地話送晒喎, 就咁同佢寫住"欠章", 話下次再去捐血先俾喎. 咁下次去都可能會冇貨既唧.

反正又唔係因為個章去捐既, 不過佢地既然係有呢個規章, 冇預備到, 就真係有d管理不善啦.

網上查捐血紀錄都好方便，唔帶住捐血卡都得啦。