晚餐@紅煙窗

20/3，爸爸既串燒三兄弟飯局，咁啱大家都係一家三口，九個人就齊齊黎咗呢度食晚餐啦。

芝士火煱，我係唔會隨便浪費D配額既，所以一啖都冇食過。

燒牛肉同羊架，又唔關我事。

燉湯就有飲過，普普通通咁啦。

燒烤，我食過一件雞翼，其餘既我都冇興趣。

原隻巴馬火腿配蜜瓜，正!

呢D冷盆，鵝肝多士之類，都唔啱我。我只食咗碟煙三文魚。

鮮橙汁，我冇飲到。今晚都好唔得閒，又食又傾，甜品櫃冷熱齊備，認真好味，但真係食唔晒咁多款。

迷你馬卡龍，明知會好甜，都想試下。沙律吧，又係冇掂過。

魚生櫃，雖然除咗蟹棒外，只得八爪魚、鯛魚、帶子同三文魚，但係就幾新鮮好味。

西式冷盆有生蠔、凍蝦、青口、嘉菲蟹、長腳蟹、小龍蝦等。我怕麻煩，只吃過凍蝦及長腳蟹，品質亦及格。

雙色朱古力噴泉，我都冇食。

甜品櫃，七彩繽紛，款式多多，質素亦中上。

鮮果，忘了吃呢!

香橙焦糖燉蛋、朱古力玉桂脆條

呢部機好玩，新鮮出爐班戟果然好食。可以自己去夾其他生果同加雪糕食，我呢，就淨食，都覺得好味。

哈仔雪糕，有好幾款味道，仲有我最鍾意既綠茶。

我見朋友有食豆腐花，應該幾滑。

朋友的生蠔及長腳蟹。

呢碟係我既，全部都好味。前面果包係香茅焗鱸魚，好食!

我喜歡食包，有得烘熱，更愛。我同爸爸兩份食，夾咗一粒桑子馬卡龍，都知甜架啦，但都要食返粒。

焗帶子天使麵，我太飽，食唔到。但我試過另一款中式老火湯同水蟹粥，湯就唔太熱，但水蟹粥就好夠熱，入面竟然有洋蔥片，怪怪地。

Bibi既八式甜品併盤，紅酒啫喱、白酒啫喱，清清地，幾好，柚子啫喱、藍莓忌廉、奶凍及牛奶布丁，仲有楊枝甘露等。托佢既福，我全部都試過。

我之後就encore咗牛奶布丁，仲食埋杯雪糕。

掛住傾計，都冇飲返D熱水添，就要走人啦。

成晚食過D咩呀?

一盅燉湯、一隻蟹腳、兩隻蝦、三片三文魚、三片八爪魚、兩片鯛魚、半隻圓包仔、半隻長包仔、一片班戟、一隻雞中翼、兩粒帶子刺身、一片煙三文魚、一件巴馬火腿蜜瓜、一粒馬卡龍、三件焗鱸魚、一小口蒸魚、兩件西蘭花、Bibi果碟八式甜品樣樣都試一口，一個牛奶布丁、一杯綠茶雪糕、小半碗水蟹粥、小半碗紅蘿蔔老火湯。