教你做復活蛋應應節 (二) How to make Easter Eggs II

為咗令D蛋唔好大細超，我特意揀選咗兩批紅豆，一批細粒D既，另一批就大一號咁啦。

放大D俾你地睇啦，實物細好多既。

Bibi話我包得核突，咪咁啦，就算你出去買D真既復活蛋，都係包得麻麻既唧。錫箔紙雖然薄，但包到咁細粒，又要盡量貼服啲，其實係會包到手指好痛既，好似我咁大製作既話，手皮薄D，都會磨出水泡架，我都要痛好幾日療傷。

呢度只係一部份既蛋蛋。

唔知卷麻繩去左邊個冷宮度住，懶得去搵啦，咁點呢？有蛋冇籃就唔可以相得益彰咯喎。

好彩之前有同事分咗D紙繩俾我，養兵千日，終於可以大派用場。大家見唔見? 預17寸長既紙繩，就夠做一個籃仔。只要用白膠漿，就可以粘出一個圓餅。

乾咗之後，再搵個樽仔或者唇膏筒或者粗筆幹之類的物件做膽，照用白膠漿在周邊粘實幾圈，再趁佢未乾小心D退出來就搞掂。

我快手快腳，早上開工前同食晏果陣抽時間出黎，就做咗呢幾粒啦。

之前收禮物籃入面有D幼既碎紙條，我收埋冇掉到。

放入籃度都襯喎。

加D蛋上去睇下，呢籃既蛋算中碼架啦。

都幾靚呀可?

小巧可愛(賣花都要讚下花香先!)

今次咪有禮物送俾D姨媽姑爹咯!下面呢籃係冇野墊底既，感覺就冇咁豐盛啦。

後來我都係改返用線，因為用紙做乾草，會托到籃蛋好凸，我唔打算粘死D蛋，想大家可以手多多，逐隻蛋拎得起黎玩。

係咪好想要一籃呢?

影出黎，似乎用咗閃光燈冇咁靚。

你地估下我一共做咗幾多籃?

可惜早幾年做完母親節朱古力之後，冇再儲錫箔紙啦，搞到D蛋既色彩冇咁繽紛。

放入盒仔度好似名貴D，但反而冇咁親民。

呢度有廿籃

係未正式收爐前，我已經寄出咗一D去外國。

所以根本就唔會有一張正正式式既大合照。

我繼續趕工，最後，我一共做咗28籃蛋出黎，差不多用盡所有手上既錫箔紙。

復活蛋亦分咗大、中、細碼。

8隻大蛋已經可以裝滿一籃，而細蛋呢，竟然要12隻，太唔化算啦，所以我只做咗一籃就算。

大家想氹人歡喜既話，仲黎得切架，快快動手啦!



D親戚朋友等緊你架!

想睇返第一篇，可以睇呢度:
教你做復活蛋應應節 (一)