日本班戟粉

早前買咗包韓國班戟粉, 擺到過晒期都冇整黎玩.

今次買另一包日本貨, 希望唔好爛尾啦.

呢包東東, 可以用黎做曲奇, 冬甩同班戟

做班戟只要用半包, 加個蛋同150毫升牛奶就得架啦.

冬甩我一定唔會整架啦, 要炸既, 咪拘!

曲奇又要焗爐, 又係整唔到既.

咁啱收到牛奶

咁就返屋企玩下啦

都好簡單既, 一煎就係架啦

我喜歡細塊d, 一路煎, 一路偷食, 連晚餐都慳返.



留返幾件俾爸爸宵夜

最後果d粉漿倒晒入pan, 煎咗一大塊.

刮埋邊邊少少粉漿, 又煎咗一粒出黎

大毛見小毛

呢疊就係爸爸既配給啦，我專登唔煎到咁深色既，費事佢又話我煎到燶晒先俾佢食。

唔駛搽牛油同糖漿架啦, 本身已經有甜味, 就咁食都得架啦.