華豐, 早晨!

原本想去石板街附近果間大家樂既，點知佢又裝修喎，咁唯有轉移陣地，行上兩條街搵食啦。

俾我見到華豐有做早餐，就入去試下啦。

杯奶茶算掂，招牌靚叉燒通粉，肉質軟滑，湯底亦唔差，清清地又唔會太淡，雖然我至僧食冇坑紋既通粉架啦，都唔會太難頂既，下次我會轉米粉架啦。

炒隻蛋加厚多士，真係食唔到咁多，好彩我帶咗娃娃菜肉絲湯底返去做午餐，咁就將呢堆蛋過檔啦。我都有食咗一啖，係好滑既，但炒到咁滑又熟到冇蛋汁流出黎，師父算炒得靚架啦。佢係完全冇放到鹽既，咁有咁好既，要食咸D既咪自己加味咯。塊多士亦係新鮮烘既，好食!

$29，明顯好過太興。

呢度係一般茶餐廳既價位，中環就度度都係咁上下架啦。

叉燒炒蛋三文治，好似好正喎，但咁邪惡既食物，都係唔啱我架啦。

我食食下有個女士搭檯，佢叫咗餐肉煎蛋菠蘿包，個樣都正架。不過就咁菠蘿油加杯餐飲都要$23就貴咗D。

八點鬆D，都檯檯有客，算係咁啦，我走果陣，呢邊都已經差不多坐滿啦。

唔大食既女仔，點我果個餐，真係兩個人食都夠啦。