睇中咗呢款鞋. 佢有杏色, 黑色同白色.
對鞋只有一寸跟, 淺色內膽, 都幾舒適既.
杏色只得35碼, 黑色只有36碼, 白色就兩個尺碼都有.
杏色著出黎係最靚既, 黑色都可以, 但白色呢.... Bibi現場就影低對鞋, 仲Whatsapp啲朋友, 佢地個個都話白色好差喎. 仲猛話我年紀大, 唔應該著白色喎.
我可以著35, 但就習慣買大少少對鞋, 情願加鞋墊，會舒服D。到咗我呢D年紀，著鞋講舒服最緊要。
Bibi話不如唔好買啦, 再睇下其他地方.
我就覺得舒服鞋難求, 頂多只買一對先, 著得滿意啦, 再返轉頭買都唔遲.
所以我就買咗對36碼既黑色, 加咗鞋墊, 冇咁鬆, 暫時唔會甩鞋, 遲d著鬆d就唔敢包.
我最怕人地話: d鞋著著下就鬆架啦麻, 真係買對太貼既, 等到對鞋著得鬆果陣, 對腳都唔知捱咗幾耐苦咯!
我上次買鞋, 個sale最初不斷話應該要買大一個碼, 但我始終覺得平時著開的size啱d, 之後佢又話"著著下會鬆架", 乜都佢講晒~~
回覆刪除如果一開始剛剛好，就梗係會鬆啦，但千奇咪緊緊地再預計會著得鬆喎，長期抗戰先搞得佢掂，咁對鞋wee晒之餘，你對腳就慘左好耐啦。
刪除我做售貨員既話，一定會俾專業意見佢，等人著得舒服，回頭律先高架。
你隻腳仔都幾細架喎~
回覆刪除我個人咁高大，隻腳相對黎講就細，所以爸爸話我似豬乸咯。
刪除我都鍾意買大少少架，試過冇大size，將就買細少少既，結果都係刮腳，之後就唔敢再著出街，對鞋就長放鞋櫃喇~~ ╮(╯_╰)╭
回覆刪除著鞋鬆，至多加墊，一刮腳，就連著一下既意欲都冇架啦。況且我唔係十八廿二，唔會要靚唔要命架啦。
刪除新蒸頭買鞋最抵,400蚊有一對長boot, 如果要冇踭既, 去sara, $200有一對, 我用黎番工放工著.
回覆刪除我好少著靴，又丫掟，阻住鞋櫃啲位。
刪除你都好細腳喎!不過呢d咁lady我著親都會因為太粗暴甩鞋，對我黎講最舒服係波鞋..hehe
回覆刪除我地做阿四既，返工有時唔方便著波鞋。分分鐘仲會放對高跟涼鞋係公司，必要時穿住見客。
刪除我都系36.但有時候會著37.
回覆刪除^ ^, 37我就冇可能著到啦.
刪除