逛書展2014

雖然今年書展，拎住首兩日日場正價入場券票尾，可以在週末三晚免費入場一次，但我地都係買全票入場。

我地主要都係去睇文具既

見到咁多卡通造型，咪影下咯。

第一次逛夜場，佢開到十二點，放工食完下午茶先坐巴士去都唔遲。

入場時已經過咗七點，條龍排到天橋底。

我一早講好，如果打蛇餅就唔去啦。但好快就順利入場，話就話多人咋，但個場咁大，你睇我仲可以咁輕鬆影到冇乜人，就知都算行得舒服啦。

3M既檔，膠布抵買。

小新都有專門一檔

我地唔會買，睇下就算。

但呢個飾品都幾靚。

都係平版會靚過立體。

日本館既TAMA站長

呢幅係佢既真身體

相信佢係日本都好紅，車身都會髤上佢既卡通造型。

我地唔算留得太耐，行完文儀用品，去一去兒童王國，再去主場行一陣就閃啦。

出到黎都只係9:43pm，咁啱有961就開，即跳上車。

除咗買咗幾枝好寫既筆之外，我買咗呢個圓角PUNCH($20)

爸爸用十蚊買咗呢本書

呢款膠布$20，好用架，好薄好貼，撕起時又冇咁痛。

新產品，用黎貼暗瘡既。

透明膠貼($15)，我用黎將蛋糕粘實既。

購物滿$20就有枝筆送，我地買咗兩包膠貼，所以都有。

天道書屋既匙扣，我覺得佢地好過癮，所以買。

思高雙面膠紙，叫做係名牌，$4就買一卷啦。

今年係我生平第二年逛書展，冇咩特別驚喜。上年買$10一大餅既3mm雙面膠紙，今年唔覺有。唯一一檔賣同類產品既2mm就要$15，粗d既就$35、$45。咁我就唔買住啦，等我用晒先再買啦。