夏日涼浸浸法寶- 鋰電風扇

爸爸既朋友極力推介佢用呢種風扇仔，事關一要停車熄匙，佢就會出動呢D風扇仔黎抖涼。

入面係用儲電磁既，但呢舊電芯比我地用開既筆芯電大。

佢既風力都幾猛架，叉夠電既話，持續用最強勁風力都可以維持約一個鐘。如果慳D用弱風既話就可以三粒鐘啦。

於是爸爸就走去鴨寮街買返部返黎試下。

佢揀咗藍色

$70，雖然唔算平，但真係幾涼爽。

同我地用開果D弱雞手提式風扇仔比，真係差得太遠啦，風力強好多。

  

呢D風扇仔都有幾款型號既，外型就好膠下，顏色就得黑、白、紅、藍，唔會點型仔。

唔算太細部，圓型部份似一個西柚咁大。

佢有一大優點，就係用USB線叉電既，即係如果你地拎埋手提叉電器出街既話，就唔駛再怕熱啦。係屋企/公司既話，插住電腦都可以叉到電。

除咗三段風力，仲可以當電筒用(見唔見側邊有個燈膽既物體?)。我地試過叉滿電後，長開一小時強風至電力不能驅動風扇，再轉開電筒，開足幾小時，燈仍未滅。

說明書:

我地買既係F95B，你地可以係呢度睇到佢既規格。