學人玩插花(一)

係櫃桶底搵到幾個呢D花盆仔，買果陣又諗住咁、又咁、又咁。但買咗返黎，又係放埋一邊，家陣終於的起心肝睇下可以整D咩啦。

早前做咗咁多玫瑰蛋糕，一於整返幾盆花仔玩下。但要先整定少少葉。

咪睇少呢堆東東，做咗幾日架啦。

整卅四週年蛋糕用剩咗一打粉紅玫瑰，唔湯唔水，原本諗住留返黎做其他蛋糕配飾既，家陣就啱晒啦。

加返幾塊綠葉，一盆小小既盆栽仔就搞定。

我對插花藝術冇乜研究，但去到咁細盆咯，大家都唔會同我計較架啦。

相信都會搏到紅顏一笑既。