Dinner @ 日航酒店咖啡室 (Café Serena)

約咗爸爸果串燒三兄弟黎呢度食晚餐

自助餐黎講，我都唔預會有咩驚喜架啦，呢度既熱盆算唔錯喎。胃納有限，印度咖哩，我只食咗一粒薯仔咋。

巴馬火腿配蜜瓜、芝士等，算唔錯。

日式小冷盆，我只用眼睛掃視一下就算。

魚生櫃果位工作人員，你唔限住佢俾兩三片，佢就一次過俾好多你。

壽司、焗蠔同長腳蟹等，我都冇興趣食。

平日我都仲會食片煙三文魚既，今日就連沙律都冇掂過。

甜品櫃返而精彩，菠蘿正!

放入雪櫃保溫，食得安心又唔怕有塵。

鐵板區既蝦球都幾好食，我食咗兩隻。

魚生食咗兩碟，湯飲咗兩碗，好可惜麵包得一條法包係度，由得人自己切，又冇得烘熱，罷食。

全場我最欣賞咖哩區既白飯，我要咗少少拌食斑球。

有哈仔雪糕，算係咁啦，我食咗三樣甜品，栗子卷都幾好，夠晒多栗子蓉，熱情果甜品杯有少少酸味，味道平衡。