羅漢松

大家有冇諗過由種子開始去種一棵羅漢松呢?

估唔到呢D就係羅漢松既果子呢?

爸爸係樓下公園執咗一D返黎，興緻勃勃咁俾我睇，但我冇理佢，咁易種到咩?

佢見我唔啋，就順手掉兩粒入金魚缸。

估唔到真係長到出黎喎! 咁好玩，又再執過。

我分咗一粒俾隔離位，其餘既就冇理到，終於變咗木乃伊，唔要得啦。

同事果粒就好叻仔，真係發到芽，佢種到咁上下就入泥，呢d叫"墨飯石"喎，佢原本用黎種開檸檬既。

成粒豆破石而出，仲一柱擎天添!

俾個種子殼阻住，d葉仔仲未伸展到出黎，好似繩結咁，繞實晒。後尾佢甩咗個殼，都好似人地紮腳咁，變咗形，只係再新長出黎既葉肯攤開咋。

呢棵係我之前成日唔記得淋水，爭D種瓜既街上派贈品羅漢松

依家長返好啦

雖然禮咗頸，但新長出黎既葉就好壯，葉片仲闊身好多添!