大伯的座定粒六壽宴

爸爸既大佬今年六十歲生日，原本人地話去食海鮮餐既，但就肯屈就同我地去食素菜代替，咁就由我發版啦。先由阿妹預備生日禮物:

除咗我同爸爸外，其餘既人都冇試過呢間，所以我就專登叫多d款式俾佢地食下。我地十二人，連埋蛋糕，一共十八道菜，夠晒熱鬧同豐盛。

蜜汁叉燒係呢度既名物，黑色粒粒扮燶咗既其實係欖角黎。

金沙素鴨

牛油果吞拿魚卷，亮點係角落果隻蕃茄兔仔，人地收起隻碟，爸爸都堅持要吞埋佢落肚。

竹笙素翅羮，熱度十足，非常滿意。

三杯雞煲，嗞嗞聲咁上檯，色香味全。

魚香茄子煲，呢味就比較油同咸，但我真係茄子既fans黎架，俾我徇私一次啦。

黑醋咕嚕，我覺得比普通糖醋咕嚕好味。

栗子腐球煲，我都幾鍾意d腐球架。

京都金菰牛柳卷、呢碟既格局就認真好多，我上次去大自然素食，佢都只係用塊素火腿卷住金菰蒸就算。今次呢d，除咗佢係成塊好似肥牛咁款既蒟蒻片卷住外，仲拎去炸過，所以d金菰係鬆化既。

鮮百合金菰芥蘭苗

竹笙上素、其實呢碟可以唔叫，冇乜特別。

流沙餃、梅菜餃，咁佢地第一次黎食，我梗係要叫多少俾大家試下既。

芋頭魚係迷你版，有人喜歡香口野，所以係咁意都叫碟啦。

台灣炒米，味道係好標準既，叫單尾既鐵膽黎。

黑松露牛油果炒飯，hehe .... 我頭先唔記得咗影。

壽桃包，預先打咗電話去訂既。(記住呀，生日用既叫壽桃、拜拜用既就叫壽包，因為多數人既認知都叫呢d包包做壽包，為免誤會，叫佢壽桃包就最穩陣啦。)

龍島栗子Tiramisu生日蛋糕。

講真呢款蛋糕我都係第一次試咋。

大家都食到好飽，仲打包咗兩盒餸、大半碟壽桃包同一件蛋糕添。