童心童話

Bibi係我既心肝寶貝，所以佢既墨寶，我到今日，都仲會留返多少架。係公司寫字檯櫃桶發現呢封信。

係千禧年時寫既，紙既背頁有編號，唔知當時佢諗緊咩架呢?

維維、阿不、璐璐、杜杜都係玉米田既人物，全部都係手指玩偶黎。

阿不係一隻鴨仔黎，佢曾經同Bibi在超市失散過，後尾爸爸帶佢四圍搵，最後發現佢係一位小朋友手中，爸爸硬著頭皮問人係咪係地上執到既。好彩人地都肯俾返Bibi咋。

杜杜同璐璐都係馬騮仔黎，我地到依家仲有KEEP住佢地係屋企既。七歲多既小朋友拿起一些摺紙，就只會寫這些簡單內容，用水筆就寫錯字都冇得擦啦。

收信者就係我一路都貼係公司打印機上既小老鼠啦。佢已經係呢度站崗咗十幾年，原本係出奇蛋入面既玩具黎，當時係連埋旁邊間矮瓜屋係隻蛋入面架。依家已經缺咗一隻耳仔啦，都唔知佢幾時崩鬼咗既。

隔離果一對馬仔，係再上一個馬年既賀年產品黎，佢地都係度企咗13年啦，真係時光怱怱，轉眼就過。