華姐生日飯@御膳

今餐我地食私房菜。

早餐@百份百

話咗俾多次機會佢，咁我就黎試下佢既早餐啦。

一般扒餐都比大家樂貴幾蚊

無可否認，呢度既多士算唔錯既。人地中環利源西街既茶記，都只係賣$18，佢敢收人$21。

我甚少幫趁食三文治既，但離遠見到斜對面大叔果份三文治又好似幾對版咁。

湯粉麵都比人地貴一兩蚊

 有意大利蕃茄濃湯通粉，我有興趣試喎。爸爸就要咗餐蛋麵。

點知我碟野原來係咁既! 係湯通粉上加咗D煮過既蕃茄粒加好似罐頭五香肉可咁霉質感既肉碎粒。唔可以叫做肉碎，因為係好難發現佢地既芳蹤既。原來咁就叫Minced Pork and Macaroni in Italian Tomato Soup，真係失覺晒! 咁即係大家都唔需要考慮點佢既所謂乜乜物物既蕃茄湯餐點啦。

配蒜香多士半件，味道正常，亦新鮮，用咗比普通方包厚身少少既包黎做，但又未至於係厚多士喎。即係人地一磅方包八件，佢切成六件咁上下啦。唔記得影相，但絕對係及格有餘既。

至於早餐既靈魂，即係杯奶茶，實在太令人失望，可以講係好差，味道不足，又唔香之餘，又澀澀地。我一向飲奶茶唔放糖既，今次都要放少少黎麻醉自己先可以啪咗佢。

最唔可以接受既，係佢地既空調做得好差。係門口等位時已覺得好大陣油煙味，d人想話唔等位，買外賣，收銀都話外賣最少要等廿分鐘，咁就認真離譜啦。

坐落，一路見住廚房既蒸氣不斷噴出黎。我地已經坐得唔算近廚房，都一路食一路出汗，好難頂。

所以，免得過，我都唔黎呢間啦。

CP一口雞卷

行超市見到CP有D咁野，好想試下。

鬱金香酥

蝴蝶酥大家吃得多了，這款是意大利的鬱金香酥。對，我是被她的外表吸引才買的。後來才發現這是她的底部，真是一個美麗的誤會。

洗衣包包

朋友極力推介我用呢D洗衣包包，佢話洗完D衫香噴噴喎。

一共四款: 柔順花香、陽光花香、除臭同超強潔淨。

不二家牛奶妹Donut Choco

有六折，忍唔住手買D新野試下。

格陵蘭北極甜蝦

街坊極力推薦這熟甜蝦，加上pay wave Master Card折扣，每包卅一塊多，500克。

等我去淘貨先

為屋企添家品，又唔想四維走，既慳錢又貨式齊全既，淘寶當真是個好選擇。

我第一次買咁多野，連單都唔識落，唯有請槍啦。成十公斤咁重，朋友幫我安排係屯門工廠區收件。

星期六收到短訊，收發中心九點閂門。諗住等爸爸放工一齊去拎，點知六點爸爸先黎話要OT，睇怕都係趕唔切同我一齊去取件架啦。

咁我唯有自己試下啦，落樓下截架的士，同司機講要去某某工廠大廈取件，俾定訂金，請佢在樓下等我，我一拎到件貨就原車返轉頭。司機叔叔都好願意車我，我只花咗幾分鐘就拎到件貨，來回車錢只係用咗五十幾蚊。

晚餐在百份百

樓下嚐味結業，好不容易等到呢間新開張，幾日後就同街坊黎試下。

Kalbi Marinade for Pork (Beksul Korean BBQ Sauce) 韓國醃肉醬炒西芹 + 紫薯飯

在FB見到了這個產品的推廣，很有興趣一試。

韓國烤肉可知名呢，這瓶醃肉醬，是用來醃豬肉的。

Dare Cabaret

等我開埋呢盒餅先!

做咩事買蕉之蕉兵買馬 Minion-banana

點樣令一隻蕉變得人見人愛?

為咗分享呢份咁可愛既手作，大熱天時，我都食晏果陣出去一轉買香蕉返黎。

Cova Cracker

一日，有人請我食過呢款餅，我話幾好食，第二日就有人買咗包俾我啦。

午餐在囍越

好耐冇去屯市三樓食野，週末跟朋友在屯市搵食，就黎呢度試下。

十穀餅 Dare Whole Grain Crackers

十穀粥大家可能食得多，今次我地食十穀餅。

清新素食 - Chia Green Salad 奇異籽沙律

我幾十歲人，仍然相當貪玩。呢包奇異籽除咗可以浸水飲，仲可以點呢?

咁就不好試下發芽啦。

幾日就會長出幼苗

膠盒內鋪抹手紙，在抹手紙上灑種子，澆水，再蓋上一張抹手紙，再灑水。放在一旁，天天淋水，保持濕潤，就可以了。

長至寸許，就可以吃了。在公司過了一個週末，有點黃。

但再淋水後，又回復青綠。

頭尾共用了約五天，就長成這樣。整盆用水沖洗也不會倒下來。接著可以好樣鋪草皮一樣，整塊撕起。

 底部的根已長成一團。

為了美觀可口，我用剪刀把上截收割下來。



放在沙律菜上，加點越南魚露調汁，幼嫰可口的沙律就此誕生!

原本就係健康餐黎既，點知有人驚我唔飽，再醒我三點三，今次真係失不償得啦，仲唔肥多二錢重?

759紫薯蛋卷

之前我買過香港造既有機紫薯蛋卷，今次見到阿信屋又有紫薯味既蛋捲，就買黎試下啦。

Chia

有俏嬌娃買咗呢包澳洲產既東東黎試。佢叫做奇異籽(想知佢有咩好處，就click入去呢度奇異籽睇下啦，係鼠尾草既種籽黎，同台灣既蘭和子係兩樣野黎架。

話就咁用水浸黎飲就得啦。

咁啱有人飛黎香港，問我帶D咩返黎好。咁我就叫佢買呢D啦，諗住125g，好易搞掂唧。點知佢一買就整兩包500g俾我，真係有排歎啦。

我第一次沖黎飲，係加落提子汁度既，仲以為要咬碎既添。

我分俾同事飲，佢地話就咁浸完水，咕嚕咕嚕飲晒落肚就得啦。佢本身係冇味道既，唔會污染你杯飲品，但奇異籽最好就係生食，咁即係唔好受熱啦，放入凍飲或室溫水入面就最好。同事亦會撈埋入乳酪度一齊食，有人就當佢六神丸咁啪入口再飲水。但最好都係俾少少時間佢，浸飽水先飲，又易入口，亦容易消化。事關佢就算唔咬碎，都可以俾身體消化同吸收既。

我都唔相信我有恆心一路飲落去，但飲咗一星期，大大都好正常，唔會肚瀉，又唔會肚仔唔舒服，似乎對我呢個玻璃肚冇乜副作用。香港有得賣既，只係會貴D唧。

功效可以睇呢度: 奇異籽

生原創蛋包飯

Bibi之前試咗呢間店，佢覺得幾好食，就帶媽媽黎試下。

Rizi Rice Bran Oil 瑞茲米糠油

都有聽過人提起米糠油既，話咩耐高溫喎，但就一直冇試過。

清炒土豆絲

二人世界吃飯，想吃得簡單之餘，亦想轉轉口味。

家中正好有一隻薯仔，綜合各個網頁，我認為呢個清炒土豆絲比較靠譜。

薯仔削皮後，切薄片，再切絲。用清水浸洗幾次，去除粉質。

沖洗幾次後，再於最後一次浸洗加入約一湯匙白醋，浸幾分鐘，再過水，隔水備用。

期間，你可預備蒜蓉。

用油起鑊，加入蒜蓉爆香，可酌量加少少雞粉及鹽，而我則加了大地魚粉及鹽，將薯絲倒入兜炒，兜勻後可加蓋焗片刻(約數十秒)，之後放少少糖吊味，炒多數下就可上碟。

我再添少少蕃茜裝飾一下，就變成經濟抵食的一味家常小炒了。

蕃茜 Parsley

朋友送來日本手信，當中有包小東西。