洗衣包包

朋友極力推介我用呢D洗衣包包，佢話洗完D衫香噴噴喎。

一共四款: 柔順花香、陽光花香、除臭同超強潔淨。

雖然屋企D洗衣粉都未用晒，我都開咗包黎試下。

用法好簡單，就咁掉一粒入洗衣機，跟住放衫入去，開制就得啦。

但千其咪手濕就去拎喎，可能洗衣包包既外皮遇水會溶掛。

我只買咗補充裝

所以打開之後，就要搵個盒入起佢。

一粒洗一機衫都夠架啦，上置式同大眼雞都合用。

其實佢係好似有薄膜包住D洗衣液咁既東東黎。

我用個保鮮袋兜住，放咗入個膠樽度就算。

蓋好個膠袋，再加樽蓋，就得啦。

仲有呢D未開，用完果包先啦。

呢款梗係除汗臭架啦。

花香既又順便有埋柔順劑

朋友話呢款最香，佢囡囡好喜歡。

再係中環店又發現呢款，陽光花香味，買埋佢先。

一包有18粒，除開兩蚊咁上下，唔算太貴既，但D衫就會清新D，間中用下都幾好既，就當係生活情趣啦。