生原創蛋包飯

Bibi之前試咗呢間店，佢覺得幾好食，就帶媽媽黎試下。

輕鐵豐年路站，呢度我識喎。

星期六約我七點半，七點幾都仲未走得，我都知你做野辛苦架啦，咁我去搵定位先啦。

店小小，座位唔多，7:45都未滿喎。

呢度勝在有酒賣，D人當佢居酒屋咁亦得。想話食飽飽又可以，各式其適啦。

食蛋包飯其實比較漏，搭個沙律好D。

Bibi勁推介呢度既炸野，但佢已經要啪清熱酷啦，都係唔好叫咯。

佢想叫蛋卷架，但已經蛋包飯啦，食咁多蛋，我頂唔順喎。

其實我唔多餓架咋

想話叫燒茄子，又賣晒。

咁就叫個炒雜菜菌啦。

咁我先落單要個海鮮蛋包飯，有人指定話要流心蛋喎。

我冇試過呢間野既質素，都係唔好叫咁多野啦。

海蜇沙律配日式芝麻醬，普普通通啦。

主角出場，同盛八比，好似差D喎。佢既流心蛋就做得唔錯既。入面既海鮮料比超市一包雜錦急凍貨種類更少。茄汁亦不夠，熱度亦不足，唔夠滋味。應該係飯放咗上碟，要等塊蛋蓋上面，攤凍咗啦。

炒雜菜菌竟然唔錯喎，我食咗大半先記得影。

檯面既小擺設都幾得意，如果我係店主，都會買黎放係度擺下。