Chia

有俏嬌娃買咗呢包澳洲產既東東黎試。佢叫做奇異籽(想知佢有咩好處，就click入去呢度奇異籽睇下啦，係鼠尾草既種籽黎，同台灣既蘭和子係兩樣野黎架。

話就咁用水浸黎飲就得啦。

咁啱有人飛黎香港，問我帶D咩返黎好。咁我就叫佢買呢D啦，諗住125g，好易搞掂唧。點知佢一買就整兩包500g俾我，真係有排歎啦。

我第一次沖黎飲，係加落提子汁度既，仲以為要咬碎既添。

我分俾同事飲，佢地話就咁浸完水，咕嚕咕嚕飲晒落肚就得啦。佢本身係冇味道既，唔會污染你杯飲品，但奇異籽最好就係生食，咁即係唔好受熱啦，放入凍飲或室溫水入面就最好。同事亦會撈埋入乳酪度一齊食，有人就當佢六神丸咁啪入口再飲水。但最好都係俾少少時間佢，浸飽水先飲，又易入口，亦容易消化。事關佢就算唔咬碎，都可以俾身體消化同吸收既。

我都唔相信我有恆心一路飲落去，但飲咗一星期，大大都好正常，唔會肚瀉，又唔會肚仔唔舒服，似乎對我呢個玻璃肚冇乜副作用。香港有得賣既，只係會貴D唧。

功效可以睇呢度: 奇異籽