等我去淘貨先

為屋企添家品，又唔想四維走，既慳錢又貨式齊全既，淘寶當真是個好選擇。

我第一次買咁多野，連單都唔識落，唯有請槍啦。成十公斤咁重，朋友幫我安排係屯門工廠區收件。

星期六收到短訊，收發中心九點閂門。諗住等爸爸放工一齊去拎，點知六點爸爸先黎話要OT，睇怕都係趕唔切同我一齊去取件架啦。

咁我唯有自己試下啦，落樓下截架的士，同司機講要去某某工廠大廈取件，俾定訂金，請佢在樓下等我，我一拎到件貨就原車返轉頭。司機叔叔都好願意車我，我只花咗幾分鐘就拎到件貨，來回車錢只係用咗五十幾蚊。

咁大件野，雖然只係十公斤咁上下，如果要我自己拎住係街截車都幾辛苦。家陣我咁做，架車上埋平台，係我果座樓旁落車，成件事就容易好多啦。

睇下堆野，就知有幾大件。最實用就係呢個晾碗架，特別既設計有個瀉水口，我模擬放係暫居單位既廚房度，真係好適合。

呢個廁紙架，外表就好靚，亦可防水，但買完又覺得唔係好想裝係廁所。

或者得物無所用，等我地搬定咗先決定啦。

最抵就係買鋰燈膽同掛鈎，連運費真係係本地既四分一價錢買到啦。

呢個廚房架，都幾實用，可以插埋刀。

我仲買咗筷子、砧板等濕星野，拆禮物都拆咗一大輪，真係好玩啦。