午餐在囍越

好耐冇去屯市三樓食野，週末跟朋友在屯市搵食，就黎呢度試下。

睇下餐牌，價位算定得高。

兩個人去，叫幾樣野既話，分分鐘要幾百蚊落樓。

相對於小吃，反而正正經經叫碟炒野就唔算貴喎。

我地叫咗四串沙嗲，用桶上，靚就靚啦，但D汁瀉晒去桶底，都點唔到既，失敗! 檯面除咗一張餐紙同筷子外，乜都欠奉，要開口先會俾隻碗仔你。醒目D啦，你地叫咗幾樣野，又湯有炒野，叫人點食呀?

我地叫咗個大頭蝦湯

拎到黎係咁既，得小半兜，賣相同圖片差咁遠，都幾過份喎。

所謂海鮮炒黑粉絲，得兩隻冇味既蝦同尤魚碎片，仲有一厘米直徑既帶子，搵兩塊生菜墊起，其實份量好細。

呢個肉崧粉皮生菜包反而出人意表，我地食咗一半架啦，唔記得影相，仲有咁多剩，證明份量十足，成個椰殼都係肉崧。

要包好大既份量，先可以清到D肉。

呢碟同其他食物比起來，絕對抵食。

檯面空間太細，放多一兩樣野都唔夠位，又冇地方放碗碟，明明用緊炒粉絲隻碟承住D生菜，拎黎包生菜包，仲食緊既，就成日有人行埋黎話要收我隻碟。

三百幾蚊落樓，進餐時感覺一D都唔良好，我應該同呢間野冇緣架啦。